再談電能實業與和電香港

上月寫了篇《長江基建與電能實業的將來》,Page views竟比其他文章多出一倍,方才明白原來讀者對股票/投機/短期利潤的興趣遠高於物業/債券/REIT相關文章,可是筆者始終對後者較有興趣,實在可惜。

那篇文章和留言(識睇一定睇留言!)其實已十分清晰地闡釋了電能(0006)和和電(0215)兩個個案有何不同,為何筆者堅信前者會派特別息、而後者不會。話雖如此,相信仍有很多人不明白或不願意相信,例如筆者一個朋友。

上星期筆者和這位朋友吃飯,他在和電公布業績前買入了25萬股和電,現賬面蝕了10萬,不肯投降。筆者說:「如果我是你,公布翌日就會立即賣出,輸少(9%)當贏。不賣出要等半年甚至一年才有機會再炒特別息,期間很大機會潛水,不值得。」

為何和電香港不需派特別息?筆者用以下比喻說明,相信更易明白。

當長和是一個家庭:身家5500萬,負債約4500萬,而總資產有1億,其中現金佔1600萬。

這1600萬現金點投資?不知道,因為股票又貴,債券息率又低,REIT又怕加息,樓又話創歷史新高GOGOGO,車位又痴哂線,工商舖又難借錢,都唔知買乜好。

呢個時候,你老婆同你講原來N年前同朋友夾份係海外買咗個物業,升咗150萬,佢佔七成。如果賣咗可以拿返100萬返來,不過賣咗拎錢返香港就買唔返,因為有外匯管制,啲錢出得唔入得。

老婆問你好唔好賣,你會點答?

答:(而家有1600萬idle係度已經好煩,你仲同我講有100萬婆乸數。)我未諗到買乜,你諗到賣咗啲錢有乜用就賣啦。

這個正正是長和的苦惱。錢大把,好想做大刁,但係睇唔啱,因為乜都好貴。長和等緊一個機會洗咗啲錢佢,根本唔缺錢,又點會叫和電派特別息?

筆者認為,即多再過半年,如果冇刁傾,和電一樣不會派特別息。直到長和有刁落實,才是炒和電之時。

那麼電能又有甚麼分別?

惡死老豆舊年買咗樓,過哂大訂,等緊你啲家用幫佢找尾數。

老豆:五月尾就要成交,你個不肖子幾時俾家用?

答:老豆,你成交之前一日,我就會過數俾你律師樓,你放心等收租啦。

仲唔明/唔信?咁真係Sorry,小弟無能,幫唔到你。

留言

  1. hahahahhaha, 呢個比喻好正, btw 我個人睇電能都係55波, 因有可能長實出手救長建, 等電能反高潮唔派息跌價再搞合併, 大公子份人都幾難估

    回覆刪除
    回覆
    1. 多謝老王兄留言。

      有不同看法是好事,這令我更安心/肯定自己的分析。

      刪除
  2. //方才明白原來讀者對股票/投機/短期利潤的興趣遠高於物業/債券/REIT相關文章//

    R兄, 學燦神一句:「百貨應百客」
    多人鐘意未必係代表一定係好, 人本性貪/短視/喜歡投機, 如果以「觀看人次」來看, 電能那篇多於其他文章實不為奇。但我反是覺得「忠於自我」比為了PAGE VIEW 而寫更顯難能可貴。

    回覆刪除
    回覆
    1. 二當家,非常同意你的見解。我很相信80/20定律,社會是這樣,網上世界亦然。

      沒有好insight的東西,我也不會分享呢。

      刪除
  3. 上月寫了篇《長江基建與電能實業的將來》,Page views竟比其他文章多出一倍,方才明白原來讀者對股票/投機/短期利潤的興趣遠高於物業/債券/REIT相關文章,可是筆者始終對後者較有興趣,實在可惜。

    有時呀L SIR 都唔係錯, D人每日都係想問"買咩", 而唔知自己想點
    為買而買最後給SALES吸血而死

    回覆刪除
    回覆
    1. 「為買而買最後給SALES吸血而死」

      反正啲人點都畀人劏,所以L SIR索性一條龍?

      刪除
  4. 講點擊?你估唔到我個BLOG最多人CLICK係一篇講比較證券行射倉收費同速度0既文章。

    回覆刪除
    回覆
    1. =0=......我估你篇文可能多次被轉載去forum...

      刪除
  5. 和電連派息都少過電能(差成一厘), 真係好唔吸引...

    回覆刪除
  6. 電能有特息$6 + 末期息$2.3🤑🤑🤑👍🏽
    http://www.hkexnews.hk/listedco/listconews/SEHK/2018/0316/LTN20180316224_C.pdf

    回覆刪除
    回覆
    1. 派息金額未及預期,但是方向絕對正確,恭喜有份玩的師兄弟姐妹 =D

      刪除

張貼留言

熱門文章

長江基建與電能實業的將來

(成功爭取指定銀行加碼!) 按揭現金回贈 - 新造按揭及轉按同樣適用!!

(成功爭取指定銀行加碼!) 按揭現金回贈 - 從銀行手上奪回屬於你的錢

設定和管理槓桿

再見電能

2018狗年展望

領展賣產之我見