布里斯本的「無廢」生活 (下)
老王兄叫到,唔講咁多廢話,有圖有真相。 五月十六日,布里斯本重光第一天,天氣非常好! 重光第一餐,到 Sunnybank Tokyo Chubo 吃刺身! 好久沒吃過如此新鮮豐盛的刺身了,大滿足。 小店很艱難才能捱過疫情,必需身體力行去支持。 關於 Soundbar,跟二當家聊過幾句,出事了。 一出街,能重遇你不禁心中暗喜;一轉身,為何又有一堆分身的你...... 這裡有你那裡有你,每個途人亦似足從前的你... 咪住先,為何 Soundbar 會變成了 Yamaha RX-V485 + 5.1 Speakers? 好抵,買咗先算啦... 迷你家用溫室仔,放幾盤盤栽種下蕃茄、藍莓、蘿蔔... 繼早前發現「買樓送青檸樹」,後來又發現「買樓送辣椒樹」! 仲有自家種沙律菜,睇落好靚,但食落苦到嘔... 後來上網睇應該係陽光太猛或者太熱所致。 畀童年R摘到七七八八的青檸樹裸照一張。 等咗幾個月,諗住等澳洲 End of Financial Year sale 才買非緊急傢俱。 萬萬料不到,可能因為今年條數太差,竟然無乜舖減價..... 求其上網買張實木枱腳的書枱濫竽充數。 雖然無乜減價,又畀筆者係離筆者家 45分鐘車程的南方搵到間 Harvey Norman 開倉。 加塊鏡,變成R太獨享的超巨型梳妝枱。 全實木 + 開倉價,一個字,喪抵! 六月正值寒冬,原來的布里斯本也可以很冷,晚上低至六度。 筆者住在山上,寒風澟凜之際,來一個麻辣火煱吧!