四月流水賬 (2022)

2022-04-08

提前沽出 FTLNHD 債券,為市況再度轉差作準備。兩個零月執 14%。

2022-04-11

短期市況極不明朗,換入另一張還有不到半個月便到期的債券。

2022-04-12

手痕 set 天價賣出昨天買入的債券,居然又成交了,一天賺了十幾天回報的一半。

慘就慘在又要搵另一隻買,自作自受。

留一天與你喘息,真的只有一天啊。

2022-04-19

長假前下的盤在假期後成交了,個零月搏賺 15%。

2022-04-21

TPHL 債券到期贖回,成功在少於一個月內賺 >20%。

2022-04-28

中梁控股(02772)公佈,於本公告日期,該公司根據交換要約及同意徵求備忘錄所載條款及在其條件規限下,就至少約2.61億美元或2022年5月票據未償還本金額的90%及約3.96億美元或2022年7月票據未償還本金額的90%開始交換要約,並徵求合資格持有人同意對規管交換票據的契約的若干建議修訂。

又死一間,越來越安全了!

留言

  1. 回覆
    1. 上市頭幾日賣,(每人)最少可以賺到幾百蚊。

      刪除
  2. 最近的市道令人加上係香港成日留意內地沒完沒了的疫情消息, 已冇麼心機TRADE. R兄遠隔大洋重可以快出快入, 敬偑.

    請問下你TRADE BOND 報價同落覆係經PB(用電話?) 定用 IB? 如經電話由澳洲落盤會否不便?

    回覆刪除
    回覆
    1. 疫情總會過去,雨過天青後相信香港也會像布里斯班這樣共存吧。

      我用 PB,報價可以用 email (prelim) + 電話 (dealer's price),買盤要錄音所以落盤一定要用電話,這邊打長途電話返香港是免費的,不方便但都可以接受。

      賣盤不用錄音,可以用 e-banking 或者用 app 掛盤,都算方便。所以通常我都係慢入快出,搞到手痕賺少咗,哈哈哈。

      刪除
  3. R大日日數錢, 我呢邊股票日日跌錢....

    回覆刪除
    回覆
    1. 大神唔好恥笑我啦 /.\

      刪除
    2. 我唔係大神,唔知幾時開始被誤傳。第二係我唔識、唔玩bond,目前宏觀環境下會好輸蝕。

      另外,想問R大點睇Perth,有人話個邊樓唔好買,都有人話個邊水位低,近年升值中。

      刪除
    3. Perth 係05年 mining 泡沫爆破後跌咗15年,當地投資者應該已驚到唔敢買。

      疫情後跟隨全世界上升,以 Perth 的性價比應該起碼跟到 Brisbane 的升幅,甚至因商品價格大升而升得更多才對;但結果 Perth 並沒有如想像中暴升(當然都跑贏疫後人口淨移出的墨爾本)。我大膽估計可能是坐艇多年的人都想平手賣出,令價格升幅受阻。但以基本因素睇,如果疫後世界真的大變,而商品市場持續火熱,Perth 應該係澳洲樓首選。

      商品市場的基本因素,你比我更熟,不如你講下你睇法?

      刪除
    4. 多謝R兄回覆,我只係咁岩留意到,無實際投資澳洲房地產。同意長期driven factor之一係人口因素,近年有不少中國人移民那邊。Perth礦業發達,當地經濟應該受惠商品牛市。進入貨幣緊縮周期,邏輯更多是過去七八年,資本開支不足遇上疫情,供應緊張,而唔係用美元購買力下跌推動。我估情況類似美國油氣E&P,股東不喜歡上市公司增產,賺到錢都要求增加派息、還債或回購,而不是用係資本開支。未必即時反映係當地經濟。

      刪除
    5. 即係話公司因商品價格上升而大賺特賺,但如不增產,礦工就無法受惠,也失去吸引更多高收入人士遷入。如是者,樓價難以突圍而出。

      刪除
    6. 我唔識,吹下水,見師兄有投資澳洲物業,請教下姐。有機會要過去望下。

      刪除
  4. R兄恭喜TPHL 食糊. 之前太多隻個零月就到期, 公司也信誓旦旦可以如期還的債由$90跌去$20.... 真係越來越少人敢搏. 是否對TPHL較為認識同埋佢出到年報先落注? 藝高人胆大, 佩服.

    回覆刪除
    回覆
    1. 多謝馬可兄,而家買債都係膽搏膽,搏佢一個月無事,搏自己睇得透一個月市況。馬後炮講,政策底一早出現,但係遲遲落唔到地,加上民企躺平對於大多數老闆嚟講有著數,所以才會出現曾經信誓旦旦的卑鄙民企。

      TPHL 我並不是特別熟悉,佢比較低調,好壞消息都少,但 keep 住還債(境內債),又無核數師劈炮(當時仲未出業績但無辭任即係出到)。到期前三個月開始留意,債價曾劈到5,60蚊,驚嚇有餘但無下文且公司有回購,銀碼都唔細。三月中大震亦冇破底,反彈後仍然有 20% 回報空間,所以覺得值得一搏。

      刪除
  5. 希望大陸落實政策(唔係只是得過講) 後真係救到個市. 幾大城市先後被封, 物流製造都唔知幾時可恢復, 中央似乎只係見步行步, 今次重差過2020年疫情初爆時, 起碼當時全球一齊放水而人民都算有錢. 華夏幸福重組到現在未有消息, 有平安做大股東都可以咁拖拉, 其他民企更加拖得就拖, 好多債價在$20左右浮沉 (我又中隻奧园, 唉). 所以即使有些較高質公司的債很可能在一個月有$20+賺, 我都冇咁勇去搏了. 唯有希望現在是黎明前的黑暗, 政策落實后部份民企可還到債 (hair-cut 都算好了), 下半年可以重見光明.

    回覆刪除
    回覆
    1. 好多人覺得今次仲差過 2008 年,但我又唔係咁悲觀。其實都係睇住幾時維尼肯躺平,一日唔肯躺都無限輪迴。

      CFLD 真係好慢,年幾時自己躺下講到債務重組好快好勁咁,搞咗年幾淨係境內債都只係 K.O. 咗一半(只係債權人簽咗名,執行都唔知做咗未),境外債完全冇影。但我覺得 CFLD 重組好可能係其他違約(唔計展期組)公司的楷模,你見奧園搵咗鍾港嗰下即時當境外債權人透明...

      所以點都好,千祈唔好再踩中違約重組的公司,而家呢個政治環境下,一重組都唔知搞幾多年。反而展期 buy time 嗰啲可能過到危機。廿蚊現價就唔好理了,無市場,無意義,費時影響心情啦。

      最後,就到期嗰啲賭博,我其實都算幾保守,好多機會都錯過咗,譬如之前有信心ge 有 RONXIN, AGILE, CHINSC, PWRLNG;但同時亦避開咗 GZRFPR 大地雷。保守係必須,但因為已中招就乜都唔做,又對唔住自己之前ge投入喎。

      刪除
    2. "千祈唔好再踩中違約重組的公司", 冇錯, 中一次就嘔返哂好幾年的息, 問題係點樣避 (當然現在已爆的七七八八). 房企的財報可以騙人, 表外債, 銀行現金都可以騙人, 賭的是老闆人品, 如你所講真係膽搏膽, 真係違反哂買債求安穩的本意.

      經此一役有否改變你的退休策略?

      以我自己來說, 做為分散投資, 除房產外, 股票, 債券, REITS, 基金, 債基, 我都有投入過. 由雷曼至今經歷過多年的大起大落, 發覺拉勻仍是股票跑贏債券, Global Equity Fund 跑贏所有 REITS, Bond Funds, 包括 Global Bond Fund, US High Yield Bond Fund, Asian Bond Fund....

      當然房產以10年計是絕對的安全又升得多. R兄今年加大在澳洲的房產投資, 可能食正一波資產大升浪. 是否會繼續做大個餅?

      刪除
    3. //經此一役有否改變你的退休策略?

      老實講,又真係沒有太大改變,只是由定期 roll 低回報的債券變咗不定期賭極高回報的債券。由於無哂 LV, 可以買的貨少咗好多,反而慳咗時間。

      //發覺拉勻仍是股票跑贏債券

      這是必然的,無論理論還是歷史都一樣。問題係點樣可以無視市場的波幅,這是每個人與每種資產的 mix and match 問題。沒有任何一項資產適合所有人,甚至同一個人在不同時間也需要不同資產。

      //當然房產以10年計是絕對的安全又升得多. R兄今年加大在澳洲的房產投資, 可能食正一波資產大升浪. 是否會繼續做大個餅?

      兩點,房產過去受惠胡亂放水,通賬不升但資產價格上升,但今次通脹卻很強勁,放水流進了企業、流進了薪酬、流進了通貨,肯定不利於實物資產價格的升幅。房產仍然是穩健的資產,但未必會像過去三四十年般大升了。

      至於造大個餅問題,要面對隔山買牛 vs. 累進制地稅的兩難。澳洲目前在加息陰霾中, 樓價已經停止上升,可以 buy time 諗下一步。

      刪除
    4. 問題是現在頭部企業的開始發STANDBY LC 債 (如COGARD), 其他的, 因為COLLATERALS 不足, 只有好似中梁咁迫人展期

      刪除

張貼留言

這個網誌中的熱門文章

澳洲稅務入門 (2) - 稅務居民的稅制

九月流水賬 (2023)

四月流水賬 (2023)

八月流水賬 (2023)

五月流水賬 (2023)

六月流水賬 (2023)