四月流水賬 (2023)

2023-04-03

CENCHI 出通告展期,捱咗兩年幾最後都係衰咗。

一如以往,後悔無係上月初止蝕走人,尤其是當時計埋以往炒 CENCHI 舊債 overall 係賺錢。

而家個價就預咗展,內容同上星期的消息差不多。純粹唔忿氣 23 年到期展到 2025,而 24 年到期就唔展...

真心嬲。

2023-04-11

原來 CENCHI 出了新債券攤銷 schedule,咁又唔同,勉強叫做 in line with market expectation。已投贊成票。

四月到期那張,五月先還 5%,一年後還 2.5%,後年一月還 20%,到期還 72.5%。期間 7.25% 年利息照付。

以現價 30 元計,只要還到一月那筆,IRR 便已超 20%。

2023-04-13

CENCHI 又出通告澄清,如果後面的債券有錢還,會出 offer 贖回原本 2023 年到期的債券。

講就易,我相信到時都係展期作罷。

2023-04-19

CENCHI 宣布交換要約結果,基本上是失敗的,三條債券均未能達到 90% 接受的門檻,本月到期那張甚至連 80% 也不到。此結果符合筆者預期,公司奮鬥咗咁耐,應該一早已知還唔到錢,卻拖到最後三星期才出 offer 迫人接受,一定有人唔忿氣。

其實我都唔忿氣,不過又無謂同錢鬥氣姐。

2023-04-20

簽臨約,賣出最後一個小小的非住宅物業。

2016 年末,由於政策變動引發非住宅物業的投機機會,筆者立即搶入此物業(後來再買一件,已於去年黯然離場),該物業亦一如筆者所料在兩年內大升七成。然而,當年筆者沒有把握機會離場,後來陸續出現負面因素,包括美國加息、股災、社會運動及疫情長期蹂躪,令估值大跌及成交完全冰封,再加上近一年美國瘋狂加息,此市場的投資需求已完全消失。

沒有投資需求的市場很難大升,而筆者預測美國加息周期尚未見頂,甚至覺得目前市場共識仍然低估了聯儲局打擊通脹的決心。在此情況下,就算美國真的步入輕微衰退,聯儲局也未必會快速減息,以免重蹈八十年代的覆轍。考慮到高息持續、本地經濟復甦需時、樓市需更多燃料及非住宅市場的滯後性,筆者認為此市場最少要 18 個月後才有機會復甦,為免浪費機會成本,惟有忍痛賣出。

持貨六年半,面價賺三分一,但計入租金 IRR 只有可憐的 6.1%。

2023-04-28

已滿足入籍條件,入紙申請澳洲籍。


2023-04-29

澳洲第一間投資樓的劣質租客欠繳的租金已成功討回,其他費用包括清潔費、開鎖費、除蛩費及水費等也一併入賬。

留言

  1. 佢有俾少少upfront fee, 同埋似會繼續派息, 師兄又唔洗太灰, 佢出年個d 如無意外都係要展期

    回覆刪除
    回覆
    1. 同意, 我唔係太介懷佢展期, 只係覺得做得肉酸及不合邏輯

      1) Upfront fee 0.5% for 2023, 0.25% for 2024/25, 後者只係同意改 terms, 同前者係展期加改 terms(新bond). 換句話說, 展期費只有 0.25%, 每張得$500咁大把, 難聽啲講真係乞丐都嫌少。我猜測出年2024展期也會再有0.5% fee, 如是者2023 是白蝕。雖然好少錢, 但係唔公道。

      2) 暫時睇派息會繼續, 不過佢現金咁少, 次次都用盡寛限期, 得人驚。

      3) 同意後面嗰啲都要展期, 但係邏輯上如果公司2024年搞得掂, 咁應該七張債都展期一年; 如果2024年都未搞掂, 就應該七張債展期兩年才合邏輯。而家做法係半桶水, 好似公司展得太急都唔知自己做緊乜。



      刪除

張貼留言

這個網誌中的熱門文章

澳洲稅務入門 (2) - 稅務居民的稅制

九月流水賬 (2023)

八月流水賬 (2023)

五月流水賬 (2023)

六月流水賬 (2023)