YOLO - You Only Live Once
近來鬧得沸沸騰騰的 YOLO - You Only Live Once,引發了筆者很多思考。
老散對大鱷,一生何求。鹿死誰手,不論是花生友還是兩大主角,都很想知道吧。出動 YOLO 是因為這件事,數以十萬計的老散身體力行,去對抗虛偽不堪的建制精英。
到建制洗橫手出金手指後,金錢上的成敗已經不重要,出一口氣才是老散們的目的吧。當然也有高手渾水摸魚,二五仔到處都在,加上有金手指,我估老散最終都是會輸。
Anyway,這只是事件背景,而筆者所思考的並沒有如此偉大。我想的是,究竟 YOLO 在這場大戰的意義何在?YOLO 在各位的生活乃至生命裡又如何推演?
我可以說,You only live once,所以你不能錯過這場大戰。
(又係喎,世界盃又唔見你唔睇。)
也可以說,You only live once,何必犧牲生活質素甚至賭上金錢去見證這場大戰?要捱幾晚通宵喎。
(又係喎,賭波時又唔見你縮手。)
——————————————————————————————
這令我想起黃子華棟篤笑的金句(之一):
「開心又一日,唔開心又一日,咪唔開心囉。」呢句說話,點講都通架喎!
又係喎,You only live once,然後下一句講什麼都通。
這種哲學思維再推演幾句,很快就要討論人生的意義。那又何苦呢。
又何苦?You only live once,所以你不能不討論人生的意義!
然後我腦海又浮現這一幕:
筆者真的很喜歡思考,常常天馬行空地思考...不眠不休地思考...身在曹營心在漢地思考...
思考延續到很遠很遠的世界......直到今日行山差錯腳,而家腳背好痛,呢邊又冇相熟跌打師傅,唔知點搞。
其實成日諗埋一邊,真係好痛苦的。
下次見到 YOLO 又好,「唔係咁喎」又好,千祈唔好開口埋口「請你好好放低」,心裡講句「你講得啱」就 OK 了。
不過呢一刻,我真係想對自己隻腳講句「請你好好放低」。
腦中的一幕真係正,畀個like你
回覆刪除正咩, 我覺得唔係咁喎!
刪除我覺得 you only live once, enjoy your life就夠~~
回覆刪除R兄,我指大家都應該享受生活過程,尋找生活樂趣~~
刪除當然啦,但係其實真係唔係咁易。
刪除我仍然在努力學習如何享受生活。
子華神早已看穿一切了。
回覆刪除一開始可能係散戶反擊,但揚開左後班大鱷聞到血味邊可能齋坐食花生? 少少地玩下就好,真係all in strong hold 的話最後只會成為另一條大鱷的點心呢。
點解個故事咁似曾相識?
刪除唉,都係唔好提起啲敏感ge嘢。
hahaha..笑左, 你講得岩4個字包念無限人生哲學, 表代左對現實無奈的無聲抗議同資本主義制度不公平的妥協 (純粹豬up)
回覆刪除都唔一定架,最佳例子莫過於窮人同富人的思路不同之處。
刪除