六月流水賬 (2022)

2022-06-02

CENCHI 終於同河南省政府傾掂數,胡總賤賣部分建業地產畀政府,再半賣半送可換債,河南省國資委可在三年內成為大股東。倘交易完成,建業可用營運現金會即時增加十幾億,加上早前處理掉部分文旅項目及其他資產,估計已有足夠財力償還今年八月到期的債券。但仍需小心會步華南城注資後展期的後塵。

儘管落得賤賣公司下場,留意胡總本身仍是中原建業及建業新生活的絕對大股東,加上歷年來收取股息幾十億,粗略估計胡總身家仍有百幾億。

至於筆者持有的 CENCHI 債券還有近十一個月才到期,難以即時受惠,頂多都是賬面損失減少幾十萬而已。惟長遠而言確是大利好,起碼債務重組的機會已幾乎降至零。

2022-06-03

據公司情報專家《財經塗鴉》消息,綠地香港控股(0337.HK)於近日已匯出足額資金以兌付其本金規模為1.5億美金6月3日到期的美元債。

個半月執 15%,有驚無險又搞掂,恭喜馬可兄。

今年執雞回報已達三成。

2022-06-10

買入約兩個月到期的債,搏賺 17%。

2022-06-17

朗詩地產公布,公司發行於6月20日到期的2億美元優先票據,已總計回購1.1459億美元,並於已全部註銷。剩餘的8,541萬元本金的償付資金也已匯入票據信託人指定銀行帳戶,將於到期日如約償付。

這張上月看了好久,最後出手買極都買唔到,仲怪責自己出手太遲太低,原來又係公司自己用折扣價係市場狂掃貨。頂。

債價不斷修復,未來幾個月抵買的債越來越少。安全又有水位的幾間公司:FUTLAN, COGARD, DALWAN, CIFIHG, ROADKG

FUTLAN 9月到期無乜水位
DALWAN 12月到期也只有十蚊,而且半年可以發生的事太多了
其餘三間都要明年才有債到期

其他貨色?

7月:PWRLNG 消息未足以冒險
8月:CSCHCN 可考慮但要再多些時間確認,AGILE 消息未足以冒險
9月:ZENENT 半收皮,KWGPRO 消息未足以冒險,GRNLGR 半收皮
10月:LSEAGN OK 但還是太遙遠,CSCHCN 過咗八月先講,REDSUN 半收皮,RONXIN 仍要觀察
11月:GRNLGR 過咗九月再講,PWRLNG 過咗七月再講
12月:DEXICN OK 但還是太遙遠

遊戲可能將近結束了。

留言

  1. 同恭喜R兄. 哩D執雞係高回報, 但點都有D賭的成份. 我個BANKER話有客係綠地話展期當日UNDER $90放哂綠地香港, 驚住公司又話被人限制咗資金或要留低資金保交付先, 雖然機會低但也情願輸少當贏. 花樣年後咩怪事都有, 連世茂龍光都爆雷, 現連國企都話展期, 市場信心已盡失. 不過亦因為咁先有得執雞, 可謂富貴險中求... 哈.. 又要講句, 其實唔太啱R兄你既退休計劃喎.

    我都有留意華南城同CENCHI, 照計國企入駐後唔會轉頭又違約, 有D機會執雞. 不過華南城哩排股債都向下, 可能見到綠地都可以展期, 有國企股東照樣可以有樣學樣, 齊齊拖數, 境外債權人又有咩計? R兄點睇?










    回覆刪除
    回覆
    1. 咁講,如果驚咩限制資金保交付之類,正常早幾日九十幾蚊走咗,甚或應該唔玩tim,點會咁失策跌咗落嚟走貨呢?如果要展期,根據佢阿媽邏輯應該唔會到期前幾日先出聲。Btw 佢應該係出哂貨畀綠地香港回購 LOL

      國企展期方面,其實綠地都唔係第一位,華南城去年已做過(雖然當時都未完成交易)。綠地自己本身斤兩有多少、同上海 SOE 有幾親近大家心照。作為國企 YTM 長期高一大截亦反映咗一定風險。今次好彩冇中,但如果中其實都係回報已反映風險。

      CENCHI 八月嗰張最大風險係跟華南城未完成交易先展期...所以債價上唔到九字。

      刪除

張貼留言

這個網誌中的熱門文章

澳洲稅務入門 (2) - 稅務居民的稅制

九月流水賬 (2023)

四月流水賬 (2023)

八月流水賬 (2023)

五月流水賬 (2023)

六月流水賬 (2023)