港燈與電能
港燈電力投資前天公布全年業績,一如某些股評人所料,未來減兩成派息實在是慘不忍睹。派息減兩成即每年只派$0.32,以現價 ($7.64) 計算,股息率不足4.2%。一間完全沒有增長前景的公司,不值得擁有這個股息率。倘市場繼續向穩定派息股靠攏,那麼港燈的價格還可維持,惟一旦利率預期有變,前景遜色的收息股必然首當其衝。
市場上有如此多選擇,筆者不會考慮投資港燈。
電能的業績昨天新鮮滾熱辣出爐,誠然筆者對電能已不抱有期望(見《再見電能》),但基於感情原因,仍有興趣一窺其現況。
筆者原以為,電能的前景比港燈好不了多少,因為來自港燈的貢獻不大而且倒退中,英國業務受脫歐問題纏擾、澳洲業務又受當地經濟困擾,加上強美元匯率問題,實難下嚥。
(註:英國業務佔了電能半壁江山,其次為澳洲業務,港燈只佔第三。)
出了業績,第一時間當然是看派息, Rule of Thumb 話你知派息最能反映管理層誠實的一面。一如所料,中期、末期和全年派息都是沒有增長,全年派$2.80,現價股息率為5.1%。Fair enough,起碼不是倒退吧。
再看管理層展望,一提港燈立即戴頭盔,強調減派20%絕對是可以預期的事。事實上,港燈純利只佔電能13%,2018年為10億(港元,下同),即使減派20%,也不過是2億,即港燈只會令電能來年純利倒退2.6%。
筆者再次強調,港燈只是電能一小部分,主菜是英國和澳洲業務。
看看分部資料,咦,英國業務純利增長7%,比上半年更好(+6%)。
澳洲業務則認真麻麻,表面上全年增長5%,但計及上半年增長33%,換言之下半年明顯倒退!究其原因,上半年的增長來自 inorganic growth (2017年5月收購 CK William,即係DUET),下半年才見真章。看來澳洲的經濟比想像中更差,又或者是因氣候異常的影響。澳洲的熱浪由去年底一直持續至今年一月,不知是否因「熱到停電」而受影響(理論上熱浪會增加能源消耗啊)。
看上去,起碼英國業務在雙重夾擊下還有增長,整體似乎還不算太差吧?
少年,你太年輕了。看看全面收益表吧!
去年澳元下跌超過10%,英鎊也跌了超過5%,令全年尚未進入損益表的匯兌差額高達36億,當中18億成功對沖掉(已扣除沖成本),即還有18億有機會在未來進入損益表。
不過匯率升跌乃平常事,也許現在已經在最低潮,還是聚焦在業務上較實際。總括來說,筆者認為電能仍未跌至具投資價值的水平。
P.S.: 電能和長江基建有很多業務重疊,因此電能業績不理想,長江基建也好不到那裡去。不幸中之大幸是後者派息仍能勉強增長2.1%,但我相信市場會感到失望。
利申:筆者持有長江基建,佔流動資產 <4%,佔總資產 <1%。
長建係不斷收購下以為2018全年可以全面反映, 點知都係得2%增長, 可想而知都幾嚴峻
回覆刪除連長建都咁, 長和我估都唔會太樂觀, 下半年經濟比上半差, 油價又跌, 原本以為起碼基建可以頂一頂, 而家只希望長和全年利潤有10%增長已收貨
長建/電能的新收購在上半年已反映,當時的確相當不錯,估唔到下半年差得咁緊要。基本上negative organic growth outweighs inorganic growth entirely. 真係恐怖。
刪除港燈作為純收息股,回報未如理想。
回覆刪除沒有前景的股票,dividend yield應該比bond yield更低才對。
刪除4.2% 恕我唔識欣賞,實在太多選擇好過2638。
當年小超都話, 俾好野你又唔食, 呢家唔諗啦....
刪除下一步就係吸乾間野啦....
MGT 邪惡行為已可以令佢直接FOUL OUT
又, 4.2% 仲要食價錢波幅, 呢D真係唔多識欣賞
Bingo!
刪除小弟入左小小港燈。因為266億*8%=21億... 而且再生能源淮許利潤高過8%。相信誠哥點會無拉拉投266億的。無錢賺,相信連一蚊都唔會投。
回覆刪除三兄,請容我講真心話。
刪除第一,266億對誠哥來說多嗎?多,不過港燈佔誠哥口袋多少?33% x 37% x 76% x 32% = 3%!266 x 3% = 8億對誠哥來說多嗎?難以判斷。21 x 3% = 63m 對誠哥來說重要嗎?睇埋第二點。
第二,沒錯准許利潤率是8%或以上,但千祈唔好將21億同港燈利潤30億直接相比!好簡單,直接睇balance sheet! 港燈總資產超過1000億,但只有30億利潤(毛利也只有61億)!換言之,准許利潤管的是毛利前的利潤!如果要apple to apple,我會用純利率3%去計算潛在增長,即係只有8億。再將去年利潤打八折,即24億,加埋8億都係得32億咁大把。根據第一點,8億再打3%即係只有24m...我不曉得24m對誠哥來說是甚麼概念?
(Insider news: 大概是誠哥枱底加枱面總資產兩小時產生的淨收入)
第三,根據往績,投資新資產最少要3-4年才開始反映。要我拿著4.2%分派去等是沒有可能。
第四,4.2%回報在市場上有甚麼選擇?連具增長的也有不少選擇吧!為什麼偏要選個前景難以預料的?
哈哈!如果只有每年8億利潤的話,相信連三弟都唔會投266億...
刪除港燈總資產超過1000億,的確與可計算淮許利潤的資產是兩回事。斷估誠哥扔266億去投不會產生不了淮許利潤的資產吧?三弟估每年利潤升返十三、四億是基本盤。當然4.X%股息率是否值搏,是另一個問題?以三弟這種買乜蟹乜的股蟹來說,莫講是4.X%,中電3.X%,我都覺得不錯。呵呵!
觀乎全世界投行打落水狗,又無一人講投266億後會產生未來的利潤,以陰謀論去看,港燈好有機會破頂。當然三弟是蟹...
忠言逆耳!
刪除當然,「忠」同「中」無直接關係。
買6號仔好過買等跌既2638
刪除R兄,無所謂啦。咁多年得一樣野同你唱反調。仲要係股,咁咪引證你好可能講得啱囉。三弟命中率當然低啦,都話你聽我買股成日蟹啦。不過買幾萬蚊港燈長坐。三弟輸得起。如果真係跌穿7蚊,再買!跌穿6蚊,再再買!反正個倉無乜貨呢。呵呵!
刪除Chris兄,我兩隻都唔會買。我會揀其他令我安心ge嘢。
刪除三兄,我見到你隻艇浮左上天空之城喎!請食飯!
01038 63.350 -2.300 -3.503%
回覆刪除大戶唔收貨2%增長~~~跌得好慘烈
如果扣去派息$1.75 =>$61.6 真係跌得好過份~~~
係啊,我咁長情都失望,何況現實的市場?
刪除好在一週前64.7减持咗3/4的長建,覺得業績ok但息太雞肋,而改投長和、越秀交通、中信電訊
回覆刪除倉底那1萬$57長建就唔理住,繼續收息睇戲~~~
飛鳥兄有先見之明,我今朝9:31都忍痛分手了。一次又一次令人失望,新收購無料到都算了,仲要冇哂彈藥 + 每次派息都要谷到盡先加少少...表面上連續22年股息有增長,實際上已經江郎才盡了...
刪除當然,我唔排除新收購仲未發揮威力,但係見到曙光之前,我唔會再畀佢拖住後腳。市場 winner takes all 情況愈趨明顯,得嗰3.7%息前景又難以捉摸,有得揀點解唔買高息D前景又明朗的公司?
[img]https://3.bp.blogspot.com/-461JStDFBeY/XJM3FDeNeFI/AAAAAAAAJOc/0XFYPANjPpMve0DbPA1xQVds6jGxdwjfACLcBGAs/s1600/IB%2Btrade%2B1038.png[/img]
刪除長建做唔到大型收購真係好難有明顯既增長,市場俾佢既估值只會逐漸減少,加埋脫歐呀強美元呀等一堆因素,值搏率變得很低了。。。我都考慮緊放哂佢
回覆刪除我已手起刀落。
刪除我昨天收市前也手起刀落。最多少賺2萬、轉買1長和好過~~~
刪除R兄,小弟真心求教,請問有什麼其他好選擇,可以取代2638這支收息股?
回覆刪除因為,小弟是以防守為住而買入,不過有打算在7元甚至跌到6元仍會像三人行兄般買入增持,主要原因是小弟懂的股票太小,多數抄考Blog友之間的推介再作學習,看過年報,並自我思考一番才決定是否買入。
🙇🙇
AC兄,大家互相分享,不用說甚麼教不教的。
刪除有關冧把,可以參考這裡:
https://forestcapitalholdings.blogspot.com/2018/11/5.html
Credit to Forest兄!
謝謝R兄提醒,這篇文章的資料確實很有用,雖當時看過,但從沒有好好用來作選股清單,看來有排研究和比較一番。
刪除謝謝R兄這一次的提醒,之前對這些number沒有太大感覺,忽然覺得節省了茫茫股海中尋找好股票的時間。
若流動資產投資組合不大 (e.g. < 20m),這張LIST for HKD asset已很足夠。
刪除加油!
識睇真係要睇留言, 見到各路高手較量, 小弟過來學野!
回覆刪除二當家兄,筆者的拙文見笑了,有高手出現要多謝讀者們不吝分享。
刪除R兄,你們通常用邊個APP買股票的?中銀手續費好貴!
回覆刪除其他人我不知,我通常用IB
刪除IB比較復雜,好難用
刪除TWS 係比較複雜,但iOS apps好易用wor,唔明有咩難。
刪除同埋IB有免費堂上,有咩唔明去問就得。不過多數係平日office hour。
哦,明白。多謝你的解答
刪除