YOLO - You Only Live Once


近來鬧得沸沸騰騰的 YOLO - You Only Live Once,引發了筆者很多思考。

老散對大鱷,一生何求。鹿死誰手,不論是花生友還是兩大主角,都很想知道吧。出動 YOLO 是因為這件事,數以十萬計的老散身體力行,去對抗虛偽不堪的建制精英。

到建制洗橫手出金手指後,金錢上的成敗已經不重要,出一口氣才是老散們的目的吧。當然也有高手渾水摸魚,二五仔到處都在,加上有金手指,我估老散最終都是會輸。

Anyway,這只是事件背景,而筆者所思考的並沒有如此偉大。我想的是,究竟 YOLO 在這場大戰的意義何在?YOLO 在各位的生活乃至生命裡又如何推演?

我可以說,You only live once,所以你不能錯過這場大戰。

(又係喎,世界盃又唔見你唔睇。)

也可以說,You only live once,何必犧牲生活質素甚至賭上金錢去見證這場大戰?要捱幾晚通宵喎。

(又係喎,賭波時又唔見你縮手。)

——————————————————————————————

這令我想起黃子華棟篤笑的金句(之一):

「開心又一日,唔開心又一日,咪唔開心囉。」呢句說話,點講都通架喎!

又係喎,You only live once,然後下一句講什麼都通。

這種哲學思維再推演幾句,很快就要討論人生的意義。那又何苦呢。

又何苦?You only live once,所以你不能不討論人生的意義!

然後我腦海又浮現這一幕:

筆者真的很喜歡思考,常常天馬行空地思考...不眠不休地思考...身在曹營心在漢地思考...

思考延續到很遠很遠的世界......直到今日行山差錯腳,而家腳背好痛,呢邊又冇相熟跌打師傅,唔知點搞。

其實成日諗埋一邊,真係好痛苦的。

下次見到 YOLO 又好,「唔係咁喎」又好,千祈唔好開口埋口「請你好好放低」,心裡講句「你講得啱」就 OK 了。

不過呢一刻,我真係想對自己隻腳講句「請你好好放低」。

留言

  1. 腦中的一幕真係正,畀個like你

    回覆刪除
  2. 我覺得 you only live once, enjoy your life就夠~~

    回覆刪除
    回覆
    1. R兄,我指大家都應該享受生活過程,尋找生活樂趣~~

      刪除
    2. 當然啦,但係其實真係唔係咁易。

      我仍然在努力學習如何享受生活。

      刪除
  3. 子華神早已看穿一切了。

    一開始可能係散戶反擊,但揚開左後班大鱷聞到血味邊可能齋坐食花生? 少少地玩下就好,真係all in strong hold 的話最後只會成為另一條大鱷的點心呢。

    回覆刪除
    回覆
    1. 點解個故事咁似曾相識?

      唉,都係唔好提起啲敏感ge嘢。

      刪除
  4. hahaha..笑左, 你講得岩4個字包念無限人生哲學, 表代左對現實無奈的無聲抗議同資本主義制度不公平的妥協 (純粹豬up)

    回覆刪除
    回覆
    1. 都唔一定架,最佳例子莫過於窮人同富人的思路不同之處。

      刪除

張貼留言

這個網誌中的熱門文章

澳洲稅務入門 (2) - 稅務居民的稅制

九月流水賬 (2023)

四月流水賬 (2023)

八月流水賬 (2023)

五月流水賬 (2023)

六月流水賬 (2023)