七月流水賬

2022-07-12

還以為三月已是內房債市場的崩潰之最,沒料到原來沒有最差、只有更差。

基於六月大幅上升的銷售額加上中央自五月起大水灌溉,七月市況之惡劣可謂完全且極嚴重地超出筆者的預期。月初至今,不單已違約的債券全部跌到幾元、已展期的債券大部分跌穿 15 元,甚至很多少於一年內到期而未暴雷的債券也跌穿 20 元,表表者如 TPHL, KWGPRO。

經過昨今兩天一再被拋售,最優質民企如 CIFI 等約半年內到期的債券也跌至七字頭,次之者已剩三四十元,十幾二十元者眾。如此市價意味著幾乎所有尚會買賣債券的投資者或投機者均已死心,很多債是不問價拋售,即使賬面虧損已超過六七成也照斬無誤。

是次失算也令筆者誤判六月為高價追入債券的時機,該交易可謂大半年來最魯莽的交易,沒有之一,目前賬面虧損已相當於抹去執雞策略實行至今近四成利潤。若真的展期,已實現執雞利潤幾乎一舖清袋。

考慮到很少展期公告會在到期前少於兩星期內公布,相信該債券尚餘半個月便知分曉。

但願繼二月 RONXIN 一役後,再次奇蹟達陣。

P.S.: 當天苦苦支撐的 RONXIN,歷經大半年的死頂,終於在剛過去的週末壽終正寢。

2022-07-14

無眼睇,已違約的債券直接 write off 九成吧!

2020 年在負油價中破產重組的 Valaris,債價最低跌至 $5,重組後拿回的股票值 $13.5,今年隨油價飆升,最高曾升至值 $37。現價僅值 $23.5。

2022-07-21

傳咗幾日,華南城終於宣布一展再展。希望係壞消息盡出,哈哈哈。

再一次提醒自己,對國企入股不要抱太大幻想。

同時又估唔到雅居樂咁叻仔,八月應該上岸了。

中午,河南 SOE 與建業簽訂買賣合約,然後大家又興奮了。

人類真是善忘啊。

留言

  1. the market is too bad, companies don't have intention to please the investors
    even roadkg today dropped to 30ish, sino ocean below 40, it's an IG paper.....

    expected EO for bonds as they have no intention and no method to re-finance, given prc banks current situation is worsening as well =.=

    really a hard time for bond investors

    回覆刪除
  2. R兄不能算是魯莽, 5,6月的確稍有起色. 但大陸自殘經濟的行為, 救市唔湯唔水又誰人會料到. 我自己太天真, 以為身處香港, 只是買賣下內房債就可分享內地經濟成果之餘又可以置身政治事外, 資金也可隨時撤走. 經過過去這兩年, 明白了除非是人和錢都及早離去, 否則怎也避不過被一場又場的愚昧政策波及.

    回覆刪除
    回覆
    1. 以為是黎明,原來只是黃昏。

      刪除
    2. "已違約的債券全部跌到幾元、已展期的債券大部分跌穿 15 元.." 雖然話已違約展期, 但跌到幾元係D基金覺得大陸公司最終全部會做老赖? 但亦只有零星清盤入呈, 其他冇哂聲氣, 連復牌都唔知幾時. R兄覺得最終重組是否仍有望可撈回幾十元?

      刪除
    3. 學你話齋,內地現時問題的源頭不是房地產,也不是金融危機,終極源頭是某熊不斷製造愚昧政策危機而無人敢進諫,更遑論持相反意見。因為稍一不慎就會被視為不忠誠,滿門抄斬指日可待。

      幾元、十幾元的債仔並不見得想做老賴,問題是沒有人見到內房情況何年何日能解決、甚至能有改善的可能性也是不確定。偏偏市場最忌不確定性,我認為現在幾元賣出的人是 price in 某熊治下的內房是一個無間地獄,與其無盡的等待,不如早登極樂。

      至於清盤,以內房債的資產結構來看,在境外清算每張債連一元也不值,亂搞而無效果反而助長某些內房對賴境外債的肆無忌憚,所以才沒有多少人做吧。

      Anyway,既然市場如此定價,我也不想自作多情。去年底還以合理價入賬埋數的債,已以十元重列,直接當成已實現損失,以免影響日後的投資心理。

      刪除
    4. R兄啱, 當冇咗會好過D, 熊治咁搞真係CLS, 買債變咗買咗老千股咁. 但買老千股唔會球幾港紙咁買, 根本冇諗過要炒債結果咁樣輸真係好唔抵. 過去幾年收息太輕鬆容易, 有PB戶口的人點會冇幾隻內房債係戶口? 早該警覺天下點會有咁易賺的錢, 又俾大陸一舖均富咗去.

      刪除
    5. 惟有嘆句願賭服輸。不過最慘係我太遲 join the game, 有輸無贏。

      刪除
  3. 師兄已經好勁, 咁的環境都係微輸.
    我都有研究內房, 其實睇得準幾間而有位賺到錢, 再加上避開晒堆超級大雷, 係內房債市黎講已經好勁.
    建業出年4月個張, 其實都抵博, 2X蚊博賺3倍.
    時代onshore債已展期, 通常onshore展期, 美元債都9成9還唔到.
    合景應該過唔到9月, 個兩張債加埋銀碼超級大, 成60億, 多數展期, 所以2X蚊的話應該無錯價.
    融信其實都預過唔到10月, 只係無諗過死係無找利息到, 而唔係本金. 因為佢一直都想死頂, 之前估佢如果有展期方案俾到, 應該會鬆幾蚊俾班holders, 比較可惜.
    弘陽就真係比較少資訊去估, 佢年報入面個核數師有留低樣叫持續經營不確定性的意見, 有E句祝福的內房多數都無運行.
    華南城單野反映到市場對國企有太高的預期, 信貸差的國企其實都唔應該俾佢太多期望, 反而個債價似建業(20蚊-30蚊, 中長年期債券) 咁先叫無錯價.

    回覆刪除
    回覆
    1. 多謝師兄,如果只計算恒大事件發酵後的時段,只中 CAPG 一張,的確輸得不多。主要是堅守至今仍未違約但又未到期的債賬面大跌。這張債正正就是建業出年4月嗰張,2020年以100蚊買入...表現再好,仍是輸錢,認真無奈。

      融信肯定已瓜,此公司資金緊張情況已歷時九個多月,堅持至上月才因某銀行玩嘢而無耐失守,實屬難能可貴。

      時代 ONSHORE 債雖展期,但該債應該不是公募債,如果明年四月前境內的公開債務處理得宜,仍有機會救得返,不過其債價已反映可能性甚低。

      合景與時代情況相類似,債價已反映,我真的不敢掂。

      弘陽年頭曾打算展期,不知為何最後卻還了錢。暫時還是不敢造次。

      華南城就不再多言了,只能說吸過毒的人很難返轉頭。

      刪除
    2. 時代、融信、合景管理層&老闆肯定盡左力. 點都要致一致敬先, 捱多左半年.
      合景最近都還左兩筆項目貸款 (銀碼就唔太記得, 每筆大約20-30億人仔左右), 但連續幾個月捱打、下下還大錢、暫時無幾多間內房可以頂得順. (好似只有雅居樂, 如果不計碧桂園同新城E批仲融到資的民企)
      時代你睇法都成立, 始終叫有時間俾佢做點野黎turnaround (下張債2023年3月初), 而且有小道消息傳緊個老闆想借貴利還美元債, 做法未嘗不可.
      弘陽可以留下佢母公司弘陽集團, 有張HONGSL, 8月到期, 睇下佢會點搞

      刪除
    3. 合景香港項目遲遲都冇消息,一直還到錢但最後死係美元債手上都幾可惜(相比其他一早躺平的公司)。也許債價尚有二字頭已是最大的面子。

      HONGSL 八月嗰張都係得返十幾蚊...嗚呼...

      雅居樂真係十分驚喜,可能內房風暴至今唯一一張落過三字頭都仲上到岸ge美元債。見佢早兩個月極度積極咁賣資產籌錢,好有衝動買。

      刪除

張貼留言

這個網誌中的熱門文章

三月流水賬

澳洲稅務入門 (2) - 稅務居民的稅制

二月流水賬

八月流水賬

四月流水賬

一月流水賬